Madaxweyne Farmaajo Oo Lagu Wado In Uu La Kulmo Labada Gole Ee Baarlamaanka.
Madaxweynaha Jamhuuriyadda Federaalka Soomaaliya Maxamed Cabdullaahi Maxamed Farmaajo ayaa kulan la qaadanaya Maalinta Beri ah Xubnaha Baarlamaanka Labada Gole ee Shacabka iyo Aqalka Sare.
Wasiirka Wasaaradda Warfaafinta Xukuumadda Soomaaliya Engineer Cabdiraxmaan Cumar Cismaan Yariisow oo la hadlay Laanta Afka Soomaaliga ee BBC-da ayaa sheegay in uu kala hadli doono arrimo ay ka mid tahay dhibaatadii 14-kii bishaan ka dhacday Magaalada Muqdisho.
Warar ayaa sheegaya in Madaxweynaha uu kala hadli doono labadaasi Gole arrimo ku saabsan in dalka uu galiyo Xaalad Dagaal si loo wiiqo Al Shabaab sida Shabelle ay ugu warrameen ilo lagu kalsoonaan karo.
Madaxda dowladda Federaalka Soomaaliya ayaa dhawaan shaaca ka qaaday in wixii ka dambeeya Tacsida Qaraxii Soobe la guda gali doono duulaan ka dhan ah Al Shabaab.
Xarakada Al Shabaab ayaan weli ka hadlin Qaraxii Soobe oo gallaaftay Nolosha illaa 300 oo qof halka ay ku dhaawacmeen Boqolaal kale oo qaarkood dalka dibaddiisa daryeel Caafimaad loogu qaaday.
Madaxweyne Farmaajo Oo Lagu Wado In Uu La Kulmo Labada Gole Ee Baarlamaanka.
Madaxweynaha Jamhuuriyadda Federaalka Soomaaliya Maxamed Cabdullaahi Maxamed Farmaajo ayaa kulan la qaadanaya Maalinta Beri ah Xubnaha Baarlamaanka Labada Gole ee Shacabka iyo Aqalka Sare.