Ugaas Xasan Ugaas Khaliif Ugaas Rooble ayaa lagu wadaa in Maanta lagu caleema saaro magaalada Beledweyn, iyadoo meel fagaare ah oo aad loo diyaariyay lagu caana shubi doono.
Wafuud ka socota dowladda Federaalka, Siyaasiyiin, aqoonyahano, salaadiin, ugaasyo iyo qeybaha kala duwan ee bulshada ayaa ka qeyb galaya xaflada caleema saarka iyo caana shubka Ugaas.
Marti sharafta ka qeyb galeysa caleema saarka ayaa ka kala yimid dalka dibadiisa iyo gudihiisa, waxaana mashquul ahaa garoonka diyaaradaha Ugaas Khaliif oo labadii maalmood ee la soo dhaafay ay diyaaradaha si aan joogsi laheyn uga dagayay, kuwaasoo waday wafuud kala duwan.
Ammaanka magaalada Beledweyn ayaa si aad ah loo adkeeyay, iyadoo sugida amniga ay ka qeyb qaadanayaan Ciidamada dowladda iyo ciidanka AMISOM.
Ugaas Xasan Ugaas Khaliif ayaa noqonaya Ugaaskii 20-aad ee saldanada reer Ugaas ee Beesha Xawaadle, waxaana uu beddelayaa Ugaas C/raxmaan Ugaas Khaliif oo horraantii Bishii Jannaayo ee sannadkan Geeriyooday.
Jabriil Ibraahim Cabdulle oo si diirran loogu soo dhoweeyay Beledweyn (Sawirro)
Jabriil Ibraahim Cabdulle oo ka mid ah Wafuuda ka qeyb galeysa caleema saarka Ugaas Xasan Ugaas Khaliif ayaa shalaya si diiran loogu soo dhoweeyay magaalada Beledweyn ee xarunta Gobolka Hiiraan.