Daafaca ayaa laga yaabaa inuu ciyaaray kulankiisii ugu danbeysay ee kooxda ka dib markii uu casaan qaatay kulankii ay guuldarada ka soo gaartay Sunderland isbuucii hore, waxaana uu ganaax ku seegay kulankii xalayto ee Liverpool, waxaana uu ganaax ku seegi doonaa kulanka Leicester City ee isbuuca danbe.

Kabtankii hore ee England ayaa qandaraaskiisa uu dhacayaa dhamaadka xilli ciyaareedkan, welina Blues uma aysan soo bandhigin qandaraas cusub.

Iyadoo malaayiin dalab ay uga imaanayaan Shiinaha, Bariga Dhexe iyo Mareykanka, taageerayaasha Chelsea ayaa soo bandhigay dareenkooda ku aadan arintaan intii ay socotay kulankii barbaraha 1-1 ku dhamaatay ee ay la galeen Liverpool.

Boor weyn ayay ku soo bandhigeen Anfield oo soo bandhigay 14kii koob ee ay kooxda hanatay intii uu Terry kabtan u ahaa, waxaana la socotay fariin aheyd: "Iyadoo Terry kabtankeena yahay… ka saxiixa qandaraas.”