Ciyaaryahankii khadka dhexe ee Dinamo Bucharest iyo Qaranka Cameroon Patrick Ekeng ayaa ku dhintay da'da 26 sanno.

Ekeng ayaa dhulka ku dhacay daqiiqadii 70aad isagoobedel ku soo galay daqiiqadii 62aad ee ciyaarta, iyadoo islamarkiiba loola cararay isbitaal, ciyaartii u dhexeysay naadigiisa Dinamo iyo kooxda Viitorul ee horyaalka Romania.

Xiriirka kubada cagta Cameroon ayaa ku xaqiijiyay wararka ku saabsan geerida xidigan boggaTwitter, halka kooxda Dinamo Bucharest ay iyaduna cadeysay in ay waayeen mid ka mid ah xidigahooda.

Ekeng ayaa bilaabay xirfadiisa ka bilaabay Canon Yaounde oo uu markii danbe kaga biiray kooxda Le Mans 2009.

Waxa uu sidoo kale soo xirtay maaliyadaha Rodez, Lausanne Sport iyo Cordoba ka hor inta aanu hishiis u saxiixin Dinamo bilowgii 2016.