Macalinka kooxda Arsenal ee Arsene Wenger ayaa sheegay inuu aad ula dhacsan yahay mashiinka khadla dhexe ee xulka France iyo kooxda horyaalka qaaday ee Leicester N'Golo Kante oo ay kooxdiisa dhowr jeer isugu dayday saxiixiisa.

Waxaa la fahasan yahay in Wenger uu taageero u yahay ninkaan aan kaamirada kasoo muuqan ee ree France taas ayaana cadaatay markii uu macalinkaan saxaafada ku yiri: "Waa xaqiiq inaan aad ula dhacsanahay isaga (Kante) waxaan aqaanay xitaa markii uu ka ciyaarayay horyaalka heerka hoose ee France laakin marwaliba waxaa jirtay su’aal ku aadan yaraantiisa iyo inuu la qabsan karo Ingiriiska oo xoog laga ciyaaro”.

Wenger ayaa la weydiyay inuu isku dayi doona saxiixa xidigaan marka la gaaro xagaagan laakiin wuxuu sheegay iney adag tahay in xidig isaga oo kale ah ay koox ku fasaxdo si sahal ah laakin wuxuu si maldahan u sheegay iney taasi ka celin doonin inuu isku dayo saxiixiisa.

Kante ayaa kulankiisii ugu horeysay xulka qaranka France u ciyaaray bishii March kulankii Holland, ka dibna waxa u ciyaaray ciyaarta dhan ka dhanka aheyd Russia dhawr maalmood ka dib.