Manchester United ayaa xidiga kooxda Atletico de Madrid ee Antoine Griezmann ku dooneysa lacag dhan £65 xagaagan kadib markii ay markale dad ka socda ay xidigaan soo daawadeen dhowrkii todobaad ee u dabbeysay.

Chelsea, Bayern Munich iyo Paris Saint-Germain ayaa dhamaan sidoo kale xiiseynaya saxiixa Griezmann, kaasoo kooxdiisa u dhaliyay 31 gool dhamaan tartamada laakin United ayaa ah kooxda ugu cadcad iyagoo u arka xidiga heerka caalami ee weerarkooda hogaamiya ay u baahan yihiin inuu yahay.

United ayaan ka fakareyn mustaqbalka macalin Louis Van Gaal waxayna doonayaan iney la soo wareegaan Pierre-Emerick Aubameyang iyo xidiga heerka caalami ee xulka France xagaagan iyagoo qaba in maclain waliba oo kooxdooda loo dhiibo uu hogaamin karo sidoo kalena uu jeclaan lahaa inuu kooxda ku heysto xidigahaan.

Jose Mourinho oo si weyn loola xiriirnayo Man United ayaa aad ula dhacsan weeraryahanka ree France oo uu saxiixiisa isku dayay markii uu joogay Chelsea wuxuuna aaminsan yahay inuu kasoo bixi karo qaabka uu jecel yahay inuu kooxdiisa ku ciyaarsiiyo.

Si kastaba, Rojoblancos ayaan sahal ku fasixi doonin xidigooda iyagoo qaba inuu yahay hogaamiyaha dhabta ah ee ay u baahan yihiin.