Ugu horeyn qoraalka uu soo dhigey bartiisa Facebook Cabdiraxmaan Cabdishakuur Warsame ayaa waxa uu ku bilaabay;

"Laga soo billaabo weerarkii xarunta Wadajir ee Dec 2017, ilaa isku daygii afganbi ee 27 Dec 2021, Farmaajo wuxuu qaaday 11 hawlgal ciidan oo uu ku beegsaday siyaasiyiin ka aragti duwan. Haatan wuxuu wadaa abaabul ciidan oo xerooyin gaar ah lagu ururinayo askar lagu xulay in ay daacad u yihiin. Waxaa la beddelayaa taliyayaal urur iyo horin oo lagu tuhunsan yahay in aysan dagaalkiisa daacad u ahayn.

Qoddobka 99-aad, xarafkiisa (f) awood u siinayaa xukuumadda in ay u xilsaaran tahay sugidda nabadgelyada dalka iyo ilaalinta danaha dowladda.

Su’aashu waxay tahay kuwo ku doodaya Farmaajo oo 11 hawlgal ciidan u adeegsaday siyaasiyiin ka aragti duwan oo uu ugu danbeeyey Raysalwsaarihii dalka, amni iyo ciidan ha sii xukumo, miyaa nabad iyo doorasho raba? Mise dadka ku doodaya in amniga iyo talada ciidanka laga wareejiyo. Dalku wuxuu marayaa marxalad halis ah oo go’aano adag oo geesinimo leh u baahan.

Qoraal labaad oo uu sidoo kale soo dhigey bartiisa Facebook ayuu ku yiri Cabdiraxmaan Cabdishakuur Warsame;

"Waa damiir xumi tii ugu liidatay in dad danyar ah duruufta looga faa’iidaysto. Farmaajo iyo kooxdiisa waxay ku hawlan yihiin;-
1- Fashillinta Shirka Golaha Wadatashiga Qaran
2- Abaabul ciidan
3- Kicin iyo dhiillo abuur qabiil
Inta uu heli karo dhaqaale iyo awood ciidan dalku shiddo ka bixi maayo, keliya waxaan u baahanahay in aan iska kaashano sida ugu khasaaraha yar ee la isaga qaban karo.”