Feltman, oo ah dublamaasi Maraykan ah oo ruug-caddaa ah, waxa uu xilka la wareegay bishii April, waxana uu si degdeg ah isu arkay laba xasarood oo waaweyn – dagaal sokeeye oo qotodheer oo ka socda Itoobiya oo u dhexeeya ciidammada daacadda u ah Jabhadda Xoraynta Shacabka Tigray (TPLF) iyo ciidanka Ra’iisal-wasaare Abiy Axmed.

sidoo kale afgambi militari oo ka dhacay Suudaan bishii Oktoobar.

Warka bixitaankiisa oo aan horay loo sheegin ayaa soo baxay ka hor inta uusan Khamiista aadin dalka Itoobiya si uu ula kulmo madaxda sare ee dowladda wadahadallada nabadeed oo qeyb ka ah dadaalladii ugu dambeeyay ee Washington ay ku doonayso in lagu soo afjaro colaadda.

Feltman, oo 62 jir ah, ayaa sheegay in "dareen xilkasnimo” uu ka soo saaray ” hawl-gabnimo” ka dib in ka badan 25 sano oo uu ahaa diblumaasi Maraykan ah oo u soo diray Qaramada Midoobay, Bariga Dhexe iyo Waqooyiga Afrika.

Warar soo baxayay ayaa sheegayay maalmihii lasoo dhaafay in Madaxweyne Biden ay isku khilaafeen habka loo wajahaayo xaaladda Itoobiya.