Shirakada wakiilada ka ahCristiano Ronaldo' ayaa dafirtay in xidiga kooxda Real Madriduu la hadlay kooxda Paris Saint-Germain uuna u dhaqaaqi doono xagaagan iyagoo sheegay ineysan jirin wax wada hadal ah uu xidigaan la yeeshay Paris.

Warar shalay soo baxay ayaa sheegay in xidiga heerka caalami ee xulka Portugal uu u safray magaalada Paris si uu wada hadalo ula soo yeesho madaxweynaha ahna milkiilaha PSG ee Nasser Al-Khelaifi.

Afhayeenka hey’da wakiilada u ah Cristiano oo lagu magacaabo Gestifute ayaa beeniyay warkaas isagoo u sheegay shabakada Goal "Cristiano iyo PSG waa sheeko aan jirin” waxayna warar kale oo soo baxay ayaa sheegaya in xidigaan uu gaaray magaalada Paris laakin uu u aaday arimo ganacsi.

Arintaan ayaa soo if baxday markii ay shalay majalada France Football qortay in xidigaan uu gaaray magaalada Paris si uu wada hadalo ula yeeasho kooxda ka dhisan caasimada France ee Paris uguna soo biiri xagaagan.