Kuraasta qaar waxa ku tartamaya rag iyo dumar, halka kuraasta qaarna ay midkiiba ku tartamayaan 5 illaa afar murashax taasoo wax badan ka duwan doorashadii xildhibaannada Aqalka Sare ee Horey uga dhacday maamul goboleedyada kale oo intooda badan loo xiray rag iyo dumar ku dhaw madaxda maamul goboleedyada.

      Madaxweyne Cali Guudlaawe ayaa qaatay go’aan ah in cid kasta oo doonaysa inay u tartanto kuraasta Aqalka Sare ee shuruudaha buuxisa uu ku soo daro liiska halkii loo xiri lahaa xubnaha qaar, taasoo daneeyayaasha doorashada Soomaaliya ay aad u soo dhaweeyeen.

       Berito ayaa la filayaa inay bilaabato doorashada sideeda kursi, waxana u codeyn doona xildhibaannada Barlamaan goboleedka Hirshabeelle.