Xiisad culus oo ka taagan xarunta NISA iyo wararkii ugu dambeeyey ee xaaladda
Xarunta hay’adda nabad sugida iyo sirdoonka qaranka Soomaaliyeed ee Habar Khadiijo oo kuna taalla degmada Shibbisee Mgaalada Muqdisho ayaa waxaa haatan laga dareemayaa xiisad xooggan iydoo sidoo kale halaaksi dhaqaqaaq ciidan ay ka jirto , sida ay inoo sheegeen ilo wareedyo lagu kalsoon-yahay.
Wararka ayaa sheegaya in ciidammo dheeraad ah oo ka tirsan kuwa NISA lagu arkay agagaarka xarunta iyo waddooyinka laga galo xaruntaasi , iyaga ciidamudu ay ka bilaabeen dhaq-dhaqaaqyo.
Sidoo kale saacado ka hor ayey aheyd markii barta Twitter-ka ee heyadda NISA lagu shaaciyey inuu si rasmi ah xilka ula wareegay Gaashaanle Sare Yaasiin Cabdullaahi Maxamuud oo uu xalay si KMG ah xilkaasi ugu magacaabay Madaxweynaha muddo xileedkiisa dhammaadayee Madaxmed Cbadullaahi Farmaajo .
Xiisaddan ayaa daba socota khilaafka u dhexeeya Rooble iyo Farmaajo, kaas oo ka dhashay kiiska ‘dilka ah’ ee Ikraan Tahliil Faarax.
Wararka ayaa intaasi kusii daraya in dhinaca xafiiska ra’iisul wasaaraha ay ka socdaan dadaallo kale oo lagu doonayo in Bashiir Goobe lagu geeyo xarunta Heyadda NISA, taas oo keeni karta isku dhac, maadaama taliyihii Farmaajo magacaabay uu ku sugan yahay halkaasi.
Xiisad culus oo ka taagan xarunta NISA iyo wararkii ugu dambeeyey ee xaaladda
...