Taliyaha qeybta 60-aad ee Ciidanka Xoogga Dalka Soomaaliyeed Sarreeye Guuto; Maxamed Sheekh Cabdullahi (Ciirow ) ayaa maanta kormeer ku tagay xarunta ururka 260-aad guutada 9-aad qeybta 60-aad ku leeyihiin Degmada Waajid ee Gobolka Bakool. Taliye Ciirow ayaa khudbad dardaaran ah ujeediyay Ciidankii uu halkaasi ku booqday, isagoo farey inay ay isku diyaariyaan howlgallo Al-Shabab kaga saarayaan waddooyinka gala Degmada oo muddo go'doonsan, si dhibaatada loogu dulqaado Shacabka. Dhanka kale wuxuu saraakiisha iyo Ciidanka ku ammaanay taliyuhu howlgalladii ay muddooyinkii dambe ka wadeen degaannada hoos taga Degmada Waajid, si Al-Shabaab, wuxuuna kula dar-daarmay in ay sii laba jibbaaran dedaalkooda.