Roy Keaneiyo Glenn Hoddle ayaa ku weeraray xiddiga Real Madrid Marcelo riwaayadii uu dhigay xalayto intii ay socotay kulankii ay guuldarada ka soo gaartay kooxdiisa kooxda Wolfsburg.

Iyadoo Los Blancos lagu hogaaminayo 2-0 islamarkaana ay ciyaarta ka harsan tahay 20 daqiiqo, xiddiga reer Brazil ayaa isku dayay inuu indho sarcaadiyo garsooraha isagoo madaxa xabadka kaga dhuftay Maximilian Arnold ka hor inta uusan wajiga qabsanin isagoo dhulka isku tuuray islamarkaana isku dayay inuu casaan u qalqaaliyo ciyaaryahanka.

Waxaase cajiib aheyd in Arnold inuu kaliya jaale ku qaatay dhacdadaan.

Dhacdadaan ayaa dib u soo kicisay xusuustii xiddigii reer Brazil Rivaldo kaasoo riwaayad cajiib ah dhigay kulankii Brazil iyo Turkiga ee 2002.

Qabiirada ITV ee Keane iyo Hoddle ayaan waqti dhuminin iyagoo durbadiiba weerar ku qaaday daafaca reer Brazil.

Hoddle ayaa yiri: "Waxa uu dhulka isagu tuuray sida in la toogtay oo kale. Waa ceeb, waa sharafdhac.”

Keane ayaa isna ku daray: "Waa amakaak. Ma aqaano waxa ku dhacay lugihiisa.”

Halkaan laacibtv.net ka daawo muuqaalka dhacdada Marcelo