Arsenal ayaa dib isaga weeraray Mesut Ozil ka dib markii uu ku eedeeyay Arsenal inay isaga ciyaartay rajadoodii hanashada horyaalka ee xilli ciyaareedkan.

Kubadsameeyaha Jarmalka ayaa durbaba u muuqda mid ka sabray hanashada horyaalka ee xilli ciyaareedkan iyadoo sideed kulan ay uga harsan tahay horyaalka kooxda ka dhisan waqooyiga London.

Wenger ayaa yiri: "Hadalkiisa ma ahan mid la soo dhaweyn karo, waana kala hadli doonaa arintaan. Waxaan hubin doonaa in ciyaartoyda aysan quusasho muujinin.

"Waa inaan aamino inaan weli ku jirno tartanka horyaalka, xitaa haddii ay tahay inaan boqolkiiba hal fursad u heysano hanashada horyaalka.

"Waxa ugu xun nolosha ayaa ah inaad aaminaad qaldan niyada gashato. Sidaasi darteed waa inaad hubisaa inaad howshaada ugu fiican qabatay ilaa dhamaadka.

 

"Waxaa weli heysanaa fursad, waana inaan ka faa’ideysano sababtoo ah xaaladu waa hadda ama ka sabar.”