Muxuu LVG Oran Doonaa? Marcos Rojo Oo Halis Geliyay Carada LVG Ka Dib Markii Laga Duubay Muuqaal Isagoo Sigaar Ku Cabaya Meel Lagu Caweeyo.
Xiddiga Manchester United Marcos Rojo ayaa eedeymo badan la kulmi doonaa ka dib markii lagu arkay isagoo sigaar ku dhuuqaya banaanka meel lagu caweeyo oo ku taala dalkiisa Argentina.
Daafaca ayaa ku laabtay wadankiisa intii lagu jiray kulamadii heerka caalami iyadoo xulka Argentina ay la ciyaareen xulalka Chile iyo Bolivia kulamadaasoo ka tirsanaa isreebreebka Koobka Adduunka ee 2018.
Waxaana muuqaal looga qaaday isagoo sigaar la cabaya asxaab ka hor inta uusan ku soo laabanin Old Trafford oo isbuuca berri bilaabanaya la ciyaarayo horyaalka Premier League.
Waqti fiican uguma soo aadin in 26 jirkaan lagu soo qaato warar weliba iyadoo laga hadlayo habdhaqankiisa qaldan, xilli mustaqbalkiisa shaki weyn la gelinayo.
Rojo oo ka ciyaaray booska daafac bidix iyo daafac dhexe ayaa ka mid noqonaya xiddigo dhowr ah oo Man United ay iska iibineyso xagaaga, waxaana arintaan sigaar cabista ay sii kordhineysa carada tababaraha mayalka adag ee Louis van Gaal.
Muxuu LVG Oran Doonaa? Marcos Rojo Oo Halis Geliyay Carada LVG Ka Dib Markii Laga Duubay Muuqaal Isagoo Sigaar Ku Cabaya Meel Lagu Caweeyo.
Xiddiga Manchester United Marcos Rojo ayaa eedeymo badan la kulmi doonaa ka dib markii lagu arkay isagoo sigaar ku dhuuqaya banaanka meel lagu caweeyo oo ku taala dalkiisa Argentina.