Madaxweynaha maamulka Koonfur Galbeed Soomaaliya C/casiis Xasan Maxamed Laftagareen ayaa caawa hoyga uu ka deganyahay magaalada Muqdisho ku booqday madaxweynihii hore ee Soomaaliya Sheekh Shariif Sheekh Axmed. Kulanka waxaa kale oo goobjoog ahaa wasiiro ka tirsan maamulka Koonfur Galbeed Soomaaliya,waxaana looga hadlay xaaladda Siyaasadeed ee dalka gaar ahaan doorashooyinka. Madaxweynaha maamulka Koonfur galbeed ayaa Sheekh Shariif Sheekh Axmed la wadaagay xogta la xiriirta kulamadii ugu dambeeyay madaxweynayaasha maamul gobaleedyada iyo guulaha laga gaaray iyo waxa harsan. Sheekh Shariif Sheekh Axmed ayaa dhankiisa ka fal-celiyay dadaalada socda muhiimadda ay leeyihiin kuna adkeeyay dhinacyada in la qabto doorasho xor ah oo si nabad ah ku dhacda.