Ra'iisul Waasaaraha Xukuumadda Federaalka Soomaaliya Maxamed Xuseen Rooble ayaa xafiiskiisa ku qaabilay Wakiillada Beesha Caalamka,iyaga oo ka wada-hadlay arrimo dhowr ah. Kulanka Beesha Caalamka iyo Ra'iisul Wasaaraha xukuumadda fedraalka ayaa looga wada hadlay dardar gelinta iyo dhammeystirka arrimaha doorashooyinka dalka, si waafaqsan heshiiskii 17-kii September,2020 iyo soo jeedintii guddigii farsamada ee Baydhabo. Beesha caalamka ayaa Ra'iisul Wasaaraha ku war-gelisay muhiimadda ay leedahay in ay dalka ka dhacdo doorasho xor iyo xalaal ah oo si siman ay uga qeyb-galaan musharaxiinta.