Warar dheeraad ah ayaa laga helayaa weerar khasaaro geystay oo ka dhacay Magaalada Jowhar ee Caasimadda maamulka Hirshabeelle, kaasi oo lagu qaaday Bar koontarool oo ay leeyihiin Ciidanka amniga Maamulka.

       Rag hubeysan ayaa la sheegay in weerarkaas ay ku qaadeen koontaroolka Buula Sheekh ee Magaalada Jowhar, waxaana goobta ka baxsaday markii dambe ee halkaas ragii ka dambeeyay falkaas dhacay.

Sidoo kale Shabaabka ayaa intaas kusii daray inay jiraan dhaawacyo weerarka kasoo gaaray Ciidamo ku sugnaa Bar koontarool ee weeraray, mana jiro wax war ah oo kasoo baxay Saraakiisha Ciidamada dowladda iyo kuwa Hirshabeelle oo ku aadan weerarkaas.

         Si kastaba Al-shabaab ayaa horey sidaan oo kale weeraro kala duwan oo geystay khasaaro ku qaaday Saldhigyo iyo fariisimo ay ku sugnaayeen Ciidanka dowladda Federaalka iyo kuwa maamulka Hirshabeelle.