Madaxweyne Deni oo kulan muuqaal ah la yeeshay wakiilo ka socda Beesha Caalamka

Visits: 170
(Rating 0.0/5 Stars) Total Votes: 0
0 0
Share via Social Media

Madaxweyne Deni oo kulan muuqaal ah la yeeshay wakiilo ka socda Beesha Caalamka

..

Share

Madaxweynaha Puntland Mudane Siciid Cabdullaahi Deni, ayaa maanta hab maqal iyo muuqaal ah kulan kula yeeshay Wakiilada Beesha Caalamka u qaabilsan Soomaaliya oo uu hoggaaminayo ergayga Qaramada Midoobey ee Soomaaliya James Swan.

Kulanka dhaxmaray Madaxweynaha Puntland iyo Wakiilada Beesha Caalamka ayaa looga hadlay Xaaladda guud ee Soomaaliya gaar ahaan xal u helida tabashooyinka la xiriira Doorashada dalka ka dhaceysa.

Labada dhinac ayaa kulankooda diirada ku saaray sida loogu baahan yahay in xal loogu helo khilaafka xiligan ka taagan doorashada iyo sidii mar kale kulan la isugu keeni lahaa Madaxda Dowlada federaalka iyo maamulka goboleedyada.

Wakiilada Beesha Caalamka u qaabilsan Soomaaliya ayaa bilaabay dadaalo ay xal ugu ridayaan khilaafka ka taagan doorashada Soomaaliya, waxa ayna sidan oo kale shalay kulan ula yeesheen Madaxweynaha Jubbaland ay kala hadleen khilaafka doorashada.

Madaxweynayaasha maamulada Puntland iyo Jubbaland ayaa diiday in ay soo magacaabaan guddiga doorashada, waxa ayna labada Madaxweyne oo xulufo ah shuruudo ku xireen in deegaanadooda lagu qabto doorashada Xildhibaanada labada aqal.