Shariifka oo Baydhabo kula kulmay Madaxweynaha K/galbeed (SAWIRRO)
..
Madaxweynaha Koonfur Galbeed, Cabdicasiis Xasan Maxamed (Lafta-gareen) ayaa galabta Madaxtooyada Baydhabo ku qaabilay wafdi uu hoggaaminayo Madaxweynihii hore ee dalka, Shariif Sheekh Axmed oo maanta gaaray magaaladaasi.
Madaxweynaha Koonfur Galbeed oo ka hadlay socdaalka wafdiga Shariif Sheekh Axmed ku yimaadeen Magaalada Baydhabo ayaa ku sheegay mid booqasho ah.
Madaxweynaha oo Warbaahinta la hadlay ayaa tilmaamay in Shariif Sheekh Axmed, ay si weyn u soo wada shaqeeyeen mudadii uu ku magacawnaa Madaxweynaha Qaranka, iminkana uu Baydhabo yimid, isagoo u ololeynayo doorashada madaxtinimada ee dalka.
Lafta-gareen ayaa sheegay in Shariifka uu ku soo dhaweynayo Magaalada Baydhabo, oo caan ku ah buu yiri soo dhaweynta iyo martisoorka.
Shariif Sheekh Axmed, Gudoomiyaha Madasha Xisbiyada Qaran ayaa Xarunta Gobolka Baay ee Magaalada Baydhabo u tagay dardargelinta ololihiisa ku aadan qabashada Xafiiska Madaxtooyada.
XIGASHO:-DHACDO.COM
Shariifka oo Baydhabo kula kulmay Madaxweynaha K/galbeed (SAWIRRO)
..