Mustabalka Kabtanka Liverpool Ee Jordan Henderson Oo Mugdi Galay Iyada Oo Tababare Jurgen Klopp Uu Qorshaynayo Dib U Habaynta Uu Reds Ku Samaynayo Dhamaadka Xili Ciyaareedkan
Tababaraha Liverpool eeJurgen Klopp ayaa dhamaadka xili ciyaareedkan bilaabi doona qorshihiisa xili ciyaareedka danbe, wuxuuna mustaqbalkiisa Liverpool uu mugdi galay kabtanka Reds eeJordan Henderson. Xidigii hore ee Sunderland ee Henderson ayaan maamulka Klopp ee Liverpool ku soo badhigin qaab ciyaareedkisii ugu fiicnaa, waxaana suurtogal ah in Liverpool ay xagaaga iska iibiso Henderson.
Liverpool ayaa dhagaysan doonta dalab gaadhaya 20 milyan oo gini ooJordan Henderson lagu doonayo, wuxuuna Klopp lacagtaas dib ugu maal galin doonaa kooxdiisa iyada oo Liverpool ay diirada ku hayso xidigaha kala ah Mario Goetze, Leandro Paredes iyo Javier Hernandez.
Tababare Klopp ayaa iska diiday in uu meesha ka saaro bixitaanka xagaaga ee Henderson, waxaana jiray warar sheegayay in kooxda Tottenham ay xiisaynayso saxiixa kabtanka Reds ee Henderson, wuxuuna Klopp oo ka jawaabayay xiisaha Tottenham ee Henderson uu yidhi: "Ma jiro qof kaliya oo aduunka jooga, laga yaabee Messi oo kaliya ayaan ahayn mid la iibin karo”.
Klopp oo hadalkiisa sii wata isla markaana arintan ka sii hadlaya ayaa yidhi: "Anigu waxaan filayaa in ay tahay xanta suuqa oo kaliya laakiin haddii ayna xanta suuqa ahayn ama haddii uu ciyaartoy aniga ii yimaado oo uu iisheego in aanu raaxo dareemayn oo uu doonayo in uu baxo, oo uu u baxo hanaan ciyaareed ama lacag badan waxaad markaas bilaabaysaa in aad fikirto”.
Mustabalka Kabtanka Liverpool Ee Jordan Henderson Oo Mugdi Galay Iyada Oo Tababare Jurgen Klopp Uu Qorshaynayo Dib U Habaynta Uu Reds Ku Samaynayo Dhamaadka Xili Ciyaareedkan
Tababaraha Liverpool eeJurgen Klopp ayaa dhamaadka xili ciyaareedkan bilaabi doona qorshihiisa xili ciyaareedka danbe, wuxuuna mustaqbalkiisa Liverpool uu mugdi galay kabtanka Reds eeJordan Henderson. Xidigii hore ee Sunderland ee Henderson ayaan maa