Dhibanaha 1aad ee Somaliya. ( Asgari).
Bani Aadamku inta Taariikhdiisu soo jirtay, waxa uu lahaa Ciidan difaaco deegaanka ey ku noolyihiin, si uu isga ilaaliyo Cadawga gudaha iyo Dibadaba.
Nafleeyda kale kuwa waaweeyn iyo Xashaardka yar yar
badankoodu waxa ey leeyihiin Ciidan ilaaliyo deegaankooda kana difaaco
Noolaha kale.
Somalia waxa ey leheeyd Ciidan ka difaaco Cadawga
Dibadda iyo kan Gudaha. Asgarigu waxa uu Xaq u leeyahay in uu helo
Xuquuq u dhiganto tan Bulshada inteeda kale ey leeyihiin, La’aantii
Bulsho ma huruumarto, Nabadna kuma seexato.
Asgari Somaligu waa kan ugu Dhakhliga yar Bulshada
Somalida. Malahan deegaan ama xarun joogta ah oo uu ka shaqeeyo, isga
marba deegaan ayaa loo bedelaa, Xaaskiisa iyo Caruurtiisa inta badan
lama joogyo, haddii la bedelana kama haraan Aabahood, taasi waxa ey
keentaa in Caruurtoodu Mushaar yarada ka sokoow eynan waxbarasho xiriir
ah helin, ama uuna helinba fursad wax barasho , waxa ey ku nool yihiin
safar joogta ah.
Qooysaska kale, Asgarigu waa ka Caruur badan yahay,
kuligoodna kharjka wax barasho kama dhiibi karyo. Qooysaska Ciidamada
waxaa ku badan furiinka, macnuhu ma ahan in uuna Xaaskiisa jecleeyn ama
uuna Qooyska hogaamin karin, laakin badaa waa arrimo dhaqaale. Furiinka
badan ayaa keenayo, Guur badan oo ka dambeeyo iyo Caruur badan oo kala
Hooyo ah.
Agoonta ugu badan waxaa dhalay Ciidamada, sababta oo ah
waa shaqo Fursadaha dhimashadu ey ku badan yihiin. intaa waxaa u sii
dheer waxa uu ku noolyahay nolol adag, Maalin iyo Habeen waxa uu ku
raran yahay Culeeys, isaga oo joogo Cimilo ey adagtahay in qofku u
adkeeysto.
Sidaas oo ey tahay, ma ahan sida Ciidamadii hore ee
Bulsha dhaxdeeda Xushmadda ku lahaa. Hadda Bulshada uu Cadawga ka
ilaalinayo iyo Cadawga uu ka ilaalinayo labaduba ma jeclo. Labada
dhinacba waa ku dhiban yahay. waxaa u sii dheer Ciidano Ajnabi ah oo
shaqadiisii hayo, kuwaa oo ka dhaqaale Badan, laakin isagu uu ka wax
qabad badan tahay, waxaa uu u dul qaataa Yasidda ey yasayaan Ciidamadaa
Ajnabiga ihi, Haddii uu dhinto Xuquuqdiisu halkaa ayeey ku egtahay,
Haddii uu dhaawacmana badanaa ma helo daryeelkii uu u baahnaa.
waxaaba laga yaabaa in Cadaalad daro kale uu ka sii
tirsanayo isla Ciidamda dhaxdooda. taasi waxa ey dhalin kartaa in uu
dhumiyo Wadaniyadiisii iyo Gudashada waajibkiisa.
FG: Diinteeno waxa ey na faree ” Qof kasta oo Xaq leh in
xaqiisa la siiyo ". waxaa haboon in Asgariga aan siino Xushmadda uu
mudan yahay, Mushaarkiisana in aan ka dhigno mid u dhigmo Howshaa
muhimka ah ee uu noo hayo, isaguna ha noqdo Asgari guto waajibka saaran
kana shaqeeyo Maslaxadda Shacabka.
Qore: Yahya Amir
Dhibanaha 1aad ee Somaliya. ( Asgari).
Bani Aadamku inta Taariikhdiisu soo jirtay, waxa uu lahaa Ciidan difaaco deegaanka ey ku noolyihiin, si uu isga ilaaliyo Cadawga gudaha iyo Dibadaba.