Madaxweyne Siciid Cabdullaahi Deni oo ay weheliyaan mas’uuliyiin ka tirsan Maamulka Puntland ayaa hoyga uu ka deganyahay Muqdisho ku booqday Madaxweynihii hore ee Soomaaliya Xasan Shiikh Maxamuud, Kulanka waxaa ka qeybgalay Madaxda Xisbiyada Qaran, Madaxweynihii hore ee Koonfur Galbeed Shariif Xasan Shiikh Aaden iyo Wafdiga Madaxweynaha oo ka koobnaa Wasiiro, Xildhibaano, La taliyeyaal iyo Saraakiil Madaxtooyo.

Intii uu kulanku socday ayaa lagu faaqiday arrimo xasaasi ah oo la xariira shirka la filayo in muqdisho uga furmo Madaxweyne Farmaajo iyo Madaxda dowlad Goboleedyada Jubbaland iyo Puntland.