Wasiiru Dowlihii Madaxtooyada Puntland, Maxamed Xasan Ciise ayaa maanta ku geeriyooday Isbitaalka Qaranka, ee ku yaala Magaalada Garoowe ee Xarunta Maamulka Puntland. Geerida Marxuumka, waxaa xaqiijisay Madaxtooyada Puntland, waxaana ka tacsiyeeyay Kusimaha Madaxweynaha ahna Madaxweyne Kuxigeenka Puntland, Axmed Cilmi Cismaan (Axmed Karaash). "Madaxweynuhu waxa uu Alle (SWC) uga baryey marxuumka inuu dembigiisa dhaafo, su'aasha qabriga u sakhiro, kuna abaal-mariyo Jannatul Fardawsa, samir iyo iimaanna ka siiyo shacabka Puntland iyo ehelkiisiiba." Ayuu yiri Axmed Karaash.        Marxuumka ayaa maalmihii u dambeeyay ku xanuunsanaa Garoowe, ka dib markii ay neefsashadu ku adkaatay, xilli isla saaka la doonayay in loo soo qaado dhanka Magaaalada Muqdisho.