Wasiirka Arrimaha ee Dowladda Turkiga, Mevlut Cavusoglu ayaa waxaa xiriir dhinaca khadka taleefoonka ah uu la soo sameeyay Wasiirka Arrimaha Dobadda Dowladda Federaalka Soomaaliya, Axmed Ciise Cawad, iyaga oo ka wada hadlay Arrimo muhiim ah. Sida ay qoray Shabakadda Wararka ee yenisafak.com ee laga leeyahay Turkiga,iyada oo soo xiganeysay Ilo diplomaasiyadeed inay labada Wasiir Khadka Telefoonka ku wada hadleen,hayeeeshee aan faah faahin rasmi ah laga bixin waxyaabaha ay ka wada hadleen. Dowladaha Soomaaliya iyo Turkiga ayaa waxaa ay yihiin kuwa leh xiriir wanaagsan,waxaana Dowladda Turkiga ay Soomaaliya ka caawisaa arrimo ay kamid yihiin Amniga, Dhaqaalaha iyo Arrimo kale.