Guddoomiyihii hore ee gobolka Banaadir ahaana duqii hore ee Muqdisho Thaabit Cabdi Maxamed ayaa si kulul uga hadlay dilalka ay gaystaan ciidamada Dawlada Soomaaliya. Ex guddoomiye Thaabit Cabdi Maxamed ayaa ku tilmaamay in ay tahay wax aan ka aqbali karin in ciidamada dawlada ee loo igmaday difaaca shacabka, ay isla iyagii u dilaan si sharci darro ah. Waxa sidoo kale ka tacsiyadeey, dilkii shalay magaalada Muqdisho loogu gaystay Cumar Xasan oo ahaa oday da' ah oo shacab ahaa, kaas oo uu dilay askari ka tirsan dawlada. Thaabit Cabdi Maxamed ayaa qoraal uu ku soo qoray boggiisa Facebook, oo uu kaga hadlay arrintan, waxa uu ugu baaqay laamaha ammaanka in ay sharciga hor keenaan gacan ku dhiiglihii u gaystay dilka qofka shacabka ahaa.