Ka dib markii ay isbuucaan deriskooda Real Madrid kaga badiyeen Santiago Bernabeu, Atletico Madrid ayaa ku soo laabatay garoonkeeda iyagoo guul raaxo leh xalayto ka gaartay kooxda Real Sociedad.

Intii ay socotay kulankii ay 3-0 ku badiyeen jamaahiirta soo xaadirtay garoonka Vicente Calderon ayaa diiday inay isdhaafiyaan fursad ay ku maadeystaan dhibaatada haatan ka taagan kooxda ay deriska yihiin ee Los Blancos.

Kulankii sabtida ee Bernabeu qeybo ka mid ah taageerayaasha ayaa ku qeylinayay "Florentina, iscasil!” iyagoo sameynayay mudaharaad ka dhan ah madaxweynaha haatan ee Real Madrid Florentino Perez.

Iyadoo dhacdooyinkaas ay weli xusuusta ku danbeeyaan ayaa taageerayaasha Atletico ay iyagana qeyladooda cusub la soo baxeen markii ay daawanayeen kulankii xalayto ee Sociedad, waxaana ay goolkoodii hore ee furitaanka ugu dabaaldegeen iyagoo ku qeylinaya "Floren, fadlan sii joog!”