Laba Askari oo ka tirsan Ciidamada dowladda Federalka Somaliya ayaa lagu toogtay Isgoyska Sanca ee Magaalada Muqdisho. Dilka labadan Askari, ayaa wuxuu ka dhacay agagaarka Isgoyska Duhurnimadan maanta, waxaana goobtaasi ka baxsaday dableydii dilka gaysatay.

Askarta la dilay ayaa wararka waxa ay sheegayaan inay ku mashquulsanaayeen iibsashada qaadka, islamarkaana si gaadmo ah loo dilay.

Kooxdii ka dambeysay dilka Askartaasi ayaa ka baxsatay goobta, waxaana markii meesha gaaray Ciidamada dowladda oo baaritaan goobta ka sameeyay.

Amniyaadka shabaab ayaa si adag ugaarsi ugu haayo Ciidamada dowladda Federalka Somaliya ee Muqdisho ku sugan.