Puntland oo saddex sano oo xabsi ah ku riday masuul lagu helay musuq maasuq

Visits: 220
(Rating 0.0/5 Stars) Total Votes: 0
0 0
Share via Social Media

Puntland oo saddex sano oo xabsi ah ku riday masuul lagu helay musuq maasuq

Maxkamad ku taala magaalada Bosaso ee Puntland, ayaa saddex sano oo xarig ah ku riday sarkaal katirsan wasaaradda kalluumaysiga Puntland oo lagu helay inuu ka ganacsanayay shatiyo been abuur ah oo uu siin jiray ganacsatada kalluunka. Maxamed Cali Mu

Share

Maxkamad ku taala magaalada Bosaso ee Puntland, ayaa saddex sano oo xarig ah ku riday sarkaal katirsan wasaaradda kalluumaysiga Puntland oo lagu helay inuu ka ganacsanayay shatiyo been abuur ah oo uu siin jiray ganacsatada kalluunka. Maxamed Cali Muuse oo ahaa madaxii maaraynta kalluumaysiga ayaa xukunkiisa looga dhawaaqay maxkamada darajada koowaad ee magaalada Bosaso kadib markii uu muddo u xirnaa baarista eedeymaha loo haystay.

Maxkamada waxay xoriyadiisa usoo celisay Mahad Cali Car-Car oo ahaa isu-duwihii wasaaradda kalluumaysiga ee gobalka Garadafuu, kaasoo eeda la wadaagay masuulka xukunka lagu riday ee dambiga lagu helay.

Xukumanaha ayaa haysta racfaan 30 cishe ah.

Madaxweynihii hore ee Puntand, Cabiweli Gaas ayaa sidaan oo kale masuuliyiin katirsan wasaaradda kalluumaysiga u xiray kuwana shaqada uga eryay kadib markii musuq maasuq lagu helay.

Sanadkaan gudihiisana, wasaaradda maaliyadda Puntland ayaa shaqaale katirsan wasaaraddeed u xirtay arrimo musuq maasuq.