Janan ayaa saacadihii uu joogay Beled-Xaawo waxa uu kulamo la yeeshay sarakiisha, ciidamada, maamulka degmada iyo bulshada ku nool Beled-Xaawo, inkastoo aan faahfaahino dheeraadka laga heyn waxa ay isla meel dhigeen, isaga iyo saraasha ciidamada iyo maamulka degmada oo uu la qaatay kulamo saacado socday, waxuuna markii ay u soo dhamaadeen kulamadaas iskaga baxay magaalada.

Dhinaca kale war maanta ka soo baxay dowladda Soomaaliya, gaar ahaan Taliska Booliska ayaa lagu jaray waaran caalami ah oo lagu soo qabanayo wasiir Janan, si baa la yiri cadaaladda loo soo taago, waxaana dhinacyada laga dalbaday inay gacan ka geystaan soo qabashada Janan ugu horeeya Booliiska caalamiga ah ee INTERPOL.

Cabdirashiid Janan ayaa meel uu uga xirnaa magaalada Muqdisho waxa uu ka baxsaday 28-kii bishii dhamaatay ee sanadkan, isagoo wixii intaas ka dambeeyey isku maray magaalooyinka Kismaayo, Nairobi iyo Beled-Xaawo oo maanta uu ka sii baxay.

Isniintii shalay ee 3-dii bishan hey’adda xuquuqda Aadanaha ee Amnesty International ayaa ugu baaqday dowladda Kenya inay qabato Cabdirashiid Janan, sla markaana ay u gacan galiso dawladda Soomaaliya si loo maxkamadeeyo, xilligaas oo uu ku sugnaa magaalada Nairobi.