Kulankii Chelsea FA Cup ee Manchester City ayaa noqday mid qaraar markii qeybo ka mid ah taageerayaasha martida loogu ahaa Stamford Bridge ay shilimaan ku tuureen ciyaartoyda martida u aheyd.

Xiddigaha Mancheester City ayaa u dabaaldegayay goolkii David Faupala uu ku barbareeyay ciyaarta qeybtii hore markii ay taageerayaasha Chelsea shilimaan roobka kaga dhigeen.

Kooxda Blues ayay u badan tahay inay wajihi doonto baaritaan ay sameeyaan xiriirka kubada cagta Ingariiska, iyadoo muuqaal la helay uu soo bandhigayo garsoore Andre Marriner oo dhow shillin ka guraya garoonka dhexdiisa.

 

Nasiib wanaag, ma jirin ciyaaryahan shillin uu ku dhacay oo ku waxyeeloobay.

Dhacdadaan ayaa imaaneysa maalin ka dib markii xiddiga West Brom Chris Brunt shillin lagu daqray iyadoo ay soo tuureen taageerayaasha kooxdiisa ka dib guuldaradii FA Cup ee ka soo gaartay Reading.

Sida uu sheegay Paul Hayward oo ah madaxa qorayaasha isboortiga ee jariirada Telegraph, xubin sarre oo ka tirsan Chelsea ayaa u xaqiijiyay in taageere kasta oo lagu helo danbiga ah inuu shillin tuuray in laga mamnuuci doono garoonka Stamford Bridge inta ka hartay noloshiisa.