Agaasimaha Warfaafinta Madaxtooyadda Somaliya Cabdi Nuur Mohamed Axmed ayaa bartiisa xiriirka Bulshada wuxuu ku xaqiijiyay kulanka Madaxweyne Farmaajo & Axsaabta Siyaasadda ee diiwaangashan uga socdo Villa Somaliya.
"Madaxweynaha JFS Mudane Maxamed Cabdullaahi Farmaajo ayaa haatan kulan kula qaadanaya Villa Soomaaliya qaar kamid ah Xisbiyada Siyaasadeed ee Kumeel Gaarka ah ee ka diiwaangashan Guddiga Madaxa-bannaan ee Doorashooyinka Qaranka kulammadan ayaa looga gol leeyahay in Madaxweynuhu uu wada-tashiyo ballaaran la qaato saamileyda siyaasadeed ee Soomaaliya, lagana wada hadlo sidii doorasho qof iyo cod ah oo waqtigeeda ku qabsoonta looga hirgelin lahaa dalka.”Ayuu yiri Cabdi Nuur oo qoraal soo dhigay Boggiisa xiriirka Bulshada.
Kulankaan markii uu soo dhamaado ayaa la filayaa in Madaxtooyadda Soomaaliya ay bixiso faah faahin la xiriirta nuxurka kulankaasi ka soo baxo
Madaxweyne Farmaajo & Xisbiyada Siyaasadda oo kulan u socdo
Xarunta Madaxtooyadda Villa Somaliya ayaa waxaa ka socda kulan u dhaxeeya axsaabta Siyaasadda ee diiwaangashan & Madaxweynaha Somaliya Maxamed Cabdulaahi Farmaajo.