Wasiirka Wasaaradda shaqada iyo arrimaha Bulshada Xukuumadda Federaalka Soomaaliya, Saddiiq Xersi Warfaa, ayaa Maanta kormeer ku tagay xarunta Guddiga shaqaalaha Rayidka, isagoo u kuurgalay sida ay howluhu ku socdaan. Kormeerka Wasiirka ayaa sidoo kale salka ku hayay dhiirri gelin ku aaddan qorshayaal lagu horumarinayo u adeegidda shaqaalaha Rayidka ee Dowladda Federaalka Soomaaliya. Mudane; Warfaa ayaa mid-mid u galay Xafiisyada uu Guddigu ku shaqeeyo, isagoo Qof-Qof uga dhagaystay howl-wadeennada , wuxuuna ku ammaanay sida ay u gudanayaan waajibaadka saaran.Wasiirka ayaa waxaa uu kulamo la yeeshey mas'uuliyiinta Guddigaasi, wuxuuna ka dhageystay warbixin ku saabsan sida guddiga uu u gudanayo waajibaadkiisa shaqo iyo howlaha adag ee ay qabtaan.