Waxaa maanta magaalada Muqdisho yimid James Swan oo ah ergayga cusub ee xoghayaha guud ee Qaramada Midoobay u qaabilsan Soomaaliya ahna madaxa xafiiska howlgalka kaalmeynta Qaramada Midoobay ee Soomaaliya. Diblomaasigan oo ah rugcaddaa ku xeel dheer arrimaha Afrika gaar ahaan dalalka ka hooseya saxaraha ayaa xilkan loo magacaabay 30kii May 2019. Howshii ugu horeysay ee uu Soomaaliya ka qabtay waxay ahayd 25 sano ka-hor markas oo uu ahaa sarkaal qaabilsan arrimaha siyaasadda oo ka tirsanaa xafiiska ergeyga gaarka ah ee Maraykanka u qaabilsan Soomaaliya sanadihii 1994kii ilaa 1996kii. Waqtiyadii u dambeeyay, Swan ayaa ahaa Ku-xigeenka kaaliyaha xoghayaha arrimaha dibadda ee xafiiska wasaaradda arrimaha dibadda Mareykanka u qaabilsan arrimaha Afrika.