Tababare Diego Simeone Oo Tijaabiyay Shax Ciyaareedka 4-1-4-1 Ka Hor Kulanka Maanta Ee Camp Nou.
Diego Simeone ayaa shalayto tijaabsaday shax ciyaareedka 4-1-4-1 ka hor kulanka ay la leeyihiin kooxda ay wada hogaaminayaan horyaalka, iyadoo afar xiddigay khadka dhexe ka ciyaareyso islamarkaana saxiixa cusub Augusto Fernandez uu ka horeeya afarta daafac ee danbe. Antonie Griezmann ayaa noqon doona gooldhaliyaha kaliya ee afka hore ee kooxda martida ah.
Simeone ayaa qorsheynaya inuu celiyo weerarka seddex aflaha ah ee Leo Messi, Neymar iyo Luis Suarez isagoo isku dayi doona inuu kala jaro xiriirka ka dhaxeeya khadka dhexe ee Barcelona iyo weerarka seddexda ah ee afka hore, waxaana garbaha ka ciyaaraya Gabi iyo Saul kuwaasoo diyaar u noqon kara kubadaha rogaalceliska ah.
Tababaraha reer Argentina ayaa Griezmann ka dhigan doona gooldhaliyahiisa kaliya iyadoo Angel Correa uu ganaax ku maqan yahay halka Fernando Torres uu dhaawac yahay. Jackson Martinez iyo Luciano Vietto ayaa iyagana ka fog qaab ciyaareed wanaagsan sidaasi darteed waxa ay ku soo bilaaban doonaan kursiga keydka.
11ka ciyaaryahan ee uu shalayto tijaabsaday Simeone ayaa kala ah: Oblak; Juanfran, Godín, Giménez, Filipe; Augusto; Koke, Saúl, Gabi, Carrasco; Griezmann.
Tababare Diego Simeone Oo Tijaabiyay Shax Ciyaareedka 4-1-4-1 Ka Hor Kulanka Maanta Ee Camp Nou.
Atlético Madrid ayaa qorsheyneysa inay sameyso feejignaan kasta oo lagama maarmaan ah kulanka ay Camp Nou galabta ku wajahayaan kooxda Barcelona, waxaana taasi laga dheehan karay tababarkii ay shalayto sameeyeen.