Ciidamada dowladda Soomaaliya ayaa gudaha u galay qaar ka mid ah dhismayaashii ay ku dhuumaaleysanayeen maleeshiyaadkii xalay weerarka ku qaaday hotelka Maka Al-Mukarama ee magaalada Muqdisho. Ciidamada dowladda ayaa gudaha u galay dhisme ka agdhawaan hotelka oo ay ku noolaayeen dad rayid ah, iyaga oo halkaa ka soo saaray carruur iyo dad waayeel ah oo ilaa iyo xalay la nolaa rasaasta culus iyo qaraxyada ay is weydaarsanyeen ciidamada dowladda iyo dableyda weerarka soo qaaday. Sawirro laga soo qaaday dhismaha ay gudaha u galeen ciidamada dowladda ayaa muujinaya sida ay gurigu u saameeyeen rasaasta culus oo ay dhinacyada iska soo horjeeda is weydaarsanayeen.