Laba askari oo lagu dilay Muqdisho
Dabley hubaysan oo Shabaab ka tirsan, ayaa saaka nawaaxiga Isgoyska Ex-Control Afgooye waxa ay ku dileen laba askari oo ka tirsanaa ciidamada dowladda Federalka Somaliya.
Dilka oo dhacay saaka aroortii ayaa Shabaab askartaan waxa ay ku dileen qaab gaadmo ah, kadib markii rag bistoolado watay oo Shabaab ka tirsan ay beegsadeen labada askari.
Raggii Shabaab ka tirsanaa ee dilka gaystay ayaa ka baxsaday goobtii ay ku dileen labada askari, waxaana goor dambe halkaasi gaaray ciidamada dowladda Federalka Somaliya.
Labada askari ee la dilay ayaa la sheegay inay ka soo baxeen hoyga ay ka degan yihiin nawaaxiga Isgoyska Ex-Control Afgooye.
Goobta Shabaab ay ku dileen labadan askari, ayaa waxaa ka agdhaw Ciidamo ka tirsan dowladda Federalka Somaliya, balse xilli ay baxsadeen raggii Shabaab ayeey halkaasi gaareen.
Amniyaadka Al Shabaab ayaa dilal qorsheysan waxa ay la eegtaan Ciidamada dowladda iyo masuuliyiinta Maamulada Degmooyinka iyo Shaqaalaha rayidka.
Laba askari oo lagu dilay Muqdisho
Dabley hubaysan oo Shabaab ka tirsan, ayaa saaka nawaaxiga Isgoyska Ex-Control Afgooye waxa ay ku dileen laba askari oo ka tirsanaa ciidamada dowladda Federalka Somaliya.