Mark Hughes ayaa dib isaga weeraray Arsene Wenger ka dib markii tababaraha Arsenal uu dib u soo cusbooneysiiyay dagaalkii uu kula jiray kooxda Stoke City.

Hughes ayaa careysnaa markii uu maqlay Wenger oo qaab ciyaareedka kooxdiisa ku tilmaamay mid xoog ku dhisnaa iyo weliba dagaal.

"Uma maleynayo inuu jiro kaar hurdi ah oo la bixiyay. Ma aqaan ciyaarta xooga ku dhisan ee la sheegayo.

"Waxaan ciyaarta u qaabilnay sida ugu saxan, waxaan dejinay ciyaarta, waxaana isku dhex wadnay baasas iyo dhaqdhaqaaq fiican.

"Waxaan u maleynayay inay aheyd ciyaar kubadeed oo fiican oo ay labada kooxood isku dayayeen inay badiyaan ciyaar muhim aheyd oo Premier League ah. Hubaashiina waa waxa aan sameyneynay.”