Guddoomiye Yariisow oo shaqo joojin ku sameeyay Lataliyihiisa Saxaafada
Shadoor Xaaji ayaa hore u ahaa Agaasimihii Warfaafinta Madaxtooyada Xilligii uu ahaa Madaxweynaha dowlada federalka Xasan Sheekh Maxamuud, waxayna xilligaasi ahaayeen saaxibo dhow Shadoor iyo guddoomiye Yariisow.
Balse shaqo joojintan ayaa ku soo beegantay xilli maanta uu ka dhacay magaalada Muqdisho munaasabad si rasmi ah loogu shaaciyay xisbiga cusub ee mucaaradka ah ee uu horboodayo Xasan Sheekh Maxamuud Madaxweynihii hore ee Soomaaliya.
Waxaa la tuhmayaa in cadaadis uu ugaga yimid Guddoomiye Yariisow madaxda sare ee dalka in uu shaqada ka eryo Shadoor oo markii horeba aan si rasmi ah loo shaacin xilka uu ka hayay Maamulka gobolka Banaadir maadaama uu ka qeybgalay munaasabada ku dhowaaqsita xisbiga UPD.
Waxaa laga cabsi qabaa in dad badan oo maanta lagu arkay Madasha Daahfurka Xisbiga Midowga Nabadda iyo Horumarka (UPD) ay xilalkooda ku waayaan.
Guddoomiye Yariisow oo shaqo joojin ku sameeyay Lataliyihiisa Saxaafada
Guddoomiyaha gobolka Banaadir ahna duqa magaalada muqdisho Eng Cabdiraxmaan Cumar Cismaan ayaa qoraalka soo baxay xafiiskiisa waxa uu shaqada ugaga joojiyay lataliyihiisa arrimaha saxaafada Shadoor Xaaji Maxamuud.