Dhinaca kale Madaxweynaha Puntland oo ka hor intii aanu ka ambabixin magaalada Garoowe warbaahinta kula hadlay Garoonka Diyaardaha ee Gen. Maxamed Abshir ayaa waxa uu ka hadlay safrkiisa iyo waxa uu ku saabsan yahay waxaana uu yiri.

"Waxaan maanta u safrayaa caasimada dalka Kenya ee Nairobi, halkaasi oo aan u aadi doono safar shaqo oo ilaa Afar bari qaadan doona, safaarkaas waxa uu la xariiraa dhamaystir mashaariic horey u socotay iyo kuwa tira badan oo dhawaan bilaabman doona sida aad la socotaan, waxaan kula kulmi doonaa Nairobi hay’ado caalamiya, safaarado, ururo caalamiya, waxaan rajeynayaa Afrtaa bari ka bacdi inaan dalka dib ugu soo laaban doono, waxaan ka tagayaa wadankii oo nabada roobkii dayrtuna bilowday, waxaan rajeynayaa wadankoo nabada in aan ku soo laaban doono, Insha Allaah”

Ugu dambeyn, Madaxweynaha Puntland Dr. Cabdiweli Maxamed Cali ayaa shacab iyo madaxda kula dardaarmay in amniga iyo jiritaanka Puntland la adkeeyo si ay Puntlnad u gaarto hadafkeeda.