Ciidamada dowladda iyo AMISOM oo duulaan ku qaaday deegaano dhaca duleedka Beledweyne
Wararka ka imaanaya magaalada Beledweyne ee Gobolka Hiiraan ayaa sheegaya in ciidamada xoogga dalka iyo kuwa AMISOM ay saaka duulaan ku qaadeen deegaano ay maamulaan Al-Shabaab oo duleed ka ah magaalada Beledweyn.
Ciidamada huwanta ah oo isugu jira ciidanka dowladda ayaa la sheegay inay iska hor imaadyo kala kulmeen Al-Shabaab deegaanka Beer-Xaano.
Wararka ayaa sheegaya in ciidamada ay ku wajahan yihiin deegaanka Booco oo saldhig ugu weyn ku leeyihiin Al-Shabaab.
Saraakiisha ciidanka xoogga dalka ee qeybta 27aad ayaa sheegay in ujeedka howlgalkan uu yahay sidii Al-Shabaab looga sifeyn lahaa deegaanada u dhow dhow Beledweyne.
Guddoomiyaha cusub ee Gobolka Hiiraan Yuusuf Dabageed ayaa markii uu xilka la wareegay sheegay in Al-Shabaab ka saari doonaan deegaanada ay kaga sugan yihiin Gobolka Hiiraan.
Illaa iyo hada lama oga khasaaraha ka dhashay dagaalka ciidamada dowladda iyo kuwa Al-Shabaab ku dhex maray duleedka magaalada Beledweyne.
Ciidamada dowladda iyo AMISOM oo duulaan ku qaaday deegaano dhaca duleedka Beledweyne
Wararka ka imaanaya magaalada Beledweyne ee Gobolka Hiiraan ayaa sheegaya in ciidamada xoogga dalka iyo kuwa AMISOM ay saaka duulaan ku qaadeen deegaano ay maamulaan Al-Shabaab oo duleed ka ah magaalada Beledweyn.