Weeraryahanka Liverpool Divock Origi ayaa lagu soo daray kooxdiisa isku diyaarineysa Champions League xilli ciyaareedkaan, inkastoo xiddiga garabka ka ciyaara ee Lazar Markovic laga saaray liiska. Origi ayaa la filayay inuu ka tago Liverpool xagaagan ka dib markii uu xilli ciyaareedkii hore amaah ku qaatay kooxda Wolfsburg, laakiin wax go'aan ah wali lagama gaarin mustaqbalkiisa. 23 jirkaan ayaa hore ugu riyaaqay Anfield, isagoo dhaliyay 21 gool labadii xilli ciyaareed ee ugu horeysay kooxdiis, laakiin imaashaha Mo Salah, Dominic Solanke iyo Alex Oxlade-Chamberlain ayaa shaki galisay mustaqbalkiisa Merseyside. Si kastaba ha ahaatee, waxaa laga yaabaa inuu ku laabto safka Reds, iyadoo tababaraha Liverpool Jurgen Klopp uu ku daray 25 ciyaaryahan ee kooxdiisa matalaya. Joe Gomez iyo Tren Alexander-Arnold ayaa ka maqan liiska, maadaama ay dhasheen wixii ka dambeeyay January 1, 1997.