Tan iyo markii uu xiddiggan bishii January ee sanadkii hore ku yimid Sevilla qiimo dhan €5m, waxa uu kusoo baxay mid xirfaddiisa iyo tayadiisa ay sare u kac sameyso isagoo soo jiitay indhaha kooxda Barcelona.

Inkastoo si aad ah loola xiriiriyay kooxaha Manchester United iy Real Madrid, haddane waxaa hadda aad ugu dhow Barca oo ciyaaryahakan ku qancisay ku biiritaanka Camp Nou.

Ma jiro ciyaaryahan ka ciyaara difaaca dhexe kaasoo mustaqbalka dambe ay u baxsan karto Barcelona marka laga reebo Samuel Umtiti kaasoo hadda dookha koowaad ka ah safka Ernesto Valverde.

Gerard Pique oo dhex muquuranaya da’da 30-aad ayaa la filayaa inuu bedel u noqdo Lenglet oo 23-jir ah, xill Yerry Mina uu shaki badan ku jiro mustaqbalkiisa halka Marlon Santos laga yaabo in xagaagan la iibiyo.

Wararka ayaa isku qilaafsan cidda bixineyso lacagta lagu burburin karo qandaraaska laacibkan oo ah €35m, xilli wararka qaar ay sheegayaan in ciyaaryahanka qudhiisa uu bixinayo lacagta lagu nasakhi karo heshiiska uu ku joogo Ramon Sanchez Pizjuan.

Sidoo kale Barca ayaa diyaar la ah inay bixiyaan lacagtaas iyagoo horraan heshiis shakhsi ah la gaareen Clement Lenglet.