Madaxweyne Farmaajo oo toddobaadka dambe booqasho ku tegeya Puntland
Madaxweynaha Jamhuuriyada Soomaaliya Maxamed Cabdullaahi Farmaajo ayaa la filayaa in toddobaadka soo socda uu booqdo magaalada Garowe ee Dowlad goboledka Puntlan.
Booqashada Madaxweynaha ee Puntland oo hore dib u dhac uu ugu yimid ayaa lagu sheegay inay tahay ka qeybgalida munaasabad lagu xusayo afar sano guuradii ka soo wareegtay markii la doortay madaxweyne Puntland Cabdiweli Maxamed Cali Gaas oo ku began 8 Bisha Janaayo.
Madaxtooyada Puntland ayaa shaacisay in madaxweyne Farmaajo tegayo Puntland isla markaana ay u magacaabeen guddi ka qeyb qaata sidii loo soo dhoweyn lahaa Madaxweynaha.
Munaasabada 4 sano guurada ee ka soo wareegatay markii la doortay Cabdiweli Maxamed Cali Gaas ayaa waxaa ka qeybgali doona Madaxweynayaasha dowlad goboleedyada dalka ka jira.
Mudada uu joogo Madaxweyne Farmaajo Dowlad Goboleedka Puntland ayaa waxaa uu booqanayaa magaalada dekeda ah ee Boosaaso, isagoo kala hadli doona ganacsatada iyo maamulka Puntland sidii loo xalin lahaa khilaafka ka jira dekeda Boosaaso.
Madaxweyne Farmaajo oo toddobaadka dambe booqasho ku tegeya Puntland
Madaxweynaha Jamhuuriyada Soomaaliya Maxamed Cabdullaahi Farmaajo ayaa la filayaa in toddobaadka soo socda uu booqdo magaalada Garowe ee Dowlad goboledka Puntlan.