Nin hubeysan oo toogasho ku diley toban ruux kaniisad ku taal dalka Masar
Ugu yaraan toban ruux ayaa lagu diley kaniisad ku taal meel ku dhow magaalada Qahir kadib markii qof hubeysan uu rasaas ku furay.
Wasiirka Caafimaadka dowlada Masar ayaa xaqiijiyay weerarkan oo dhacay maanta,wararka ayaa waxaa ay intaa ku darayaan in qofka weerarka geystey uu dhaawacay shan askari oo ilaalo ka ahayd kaniisadan oo ku taal magaalada Helwan ee koofurta Masar.
Ciidamada ammaanka ayaa toogasho ku diley dableygii weerarkan ka dambeeyay,wararka qaar ayaa sheegaya in dadka weerarka geystey ay ahaayeen labo ruux.
Ma jirto illaa iyo hadda cid sheegatay weerarkan,balse ururka IS ayaa hore weeraro ugu qaaday goobaha ay ku cibaadeystaan Masiixiyiinta Coptic Orthodox.
Bishii May ayaa koox hubeysan waxa ay ku dileen bartamaha dalka Masar illaa 29 ruux oo ah Copts,bishii April isla sanadkan waxaa lagu diley 44 ruux oo masiixiyiin ah kaniisad kadib markii lagu weeraray bam.
Nin hubeysan oo toogasho ku diley toban ruux kaniisad ku taal dalka Masar
Ugu yaraan toban ruux ayaa lagu diley kaniisad ku taal meel ku dhow magaalada Qahir kadib markii qof hubeysan uu rasaas ku furay.