Amiir Maxamed Bin Salman oo bilaabay inuu xabsiga ka sii daayo Amiirkii oggolaada isla xisaabtan
0
Friday December 29, 2017 - 18:28:46 in Wararka by
- Visits: 483
-
- Share
Xeer ilaaliyaha Boqortoyada Sacudi Carabiya ayaa amray in la sii daayo labo wiil oo uu dhalay boqorkii hore ee Sacudi Carabiya Boqor Cabdalla kuwaasoo ka mid ahaa amiiro loo xirey musuqmaasuq.
Amiir Meshaal bin Abdullah iyo Amiir Feysal bin Abdullah ayaa ka mid ahaa illaa labo boqol oo ka soo jeeda qoyska reer boqor,wasiiro iyo ganacsato iyadoo lagu xirey amar uu soo saaray amiirka leh dhaxalka boqortoyada Sacudi Carabiya Amiir Maxamed bin Salman bishii November ee sanadkan.
Labada amiir ayaa laga sii daayay hotelka Ritz-Carlton oo hadda noqday xabsi lagu xiro dadka loo haysto musuqmaasuqa kadib markii ay oggolaadeen in xal laga gaaro dhaqaalaha lagu tuhunsan yahay inay musuqmaasuqeen.
Wararka ayaa waxa ay intaa ku darayaan in aan weli laga gaarin xal amiir saddexaad oo la walaal ah amiirada la sii daayay Turki bin Cabdullah kaasoo weli ku xiran hotelka Ritz-Carlton.
Sida laga soo xigtey wargeyska Okaz cadadkiisii soo baxay December 26 ugu yaraan labaatan kale oo lagu eedeeyay musuqmaasuq ayaa toddobaadkii la soo dhaafay la sii daayay.
Eedeysanayaasha aan heshiis la gaarin dowlada ayaa la sheegay in la soo taagi doono maxkamad sida ay sheegayaan ilo ku dhow dhow boqortooyada Sacudi Carabiya.
Facebook
Twitter
Youtube
Google+
RSS Feed
Amiir Maxamed Bin Salman oo bilaabay inuu xabsiga ka sii daayo Amiirkii oggolaada isla xisaabtan
Xeer ilaaliyaha Boqortoyada Sacudi Carabiya ayaa amray in la sii daayo labo wiil oo uu dhalay boqorkii hore ee Sacudi Carabiya Boqor Cabdalla kuwaasoo ka mid ahaa amiiro loo xirey musuqmaasuq.