Xoosh ayaa tilmaamay in haddii aysan helin dhalinyaradan shaqo ay keyneyso inay dalka isaga Tahriibaan oo ay maciin bidaan dalal kale iyo inay noqdaan kuwa ka shaqeeya falal ammaanka lidiga ku ah sida uu sheegay.

Wasiir Xoosh ayaa dhanka kale sheegay in Dowladda Soomaaliya hadda aysan deyn soo qaadan Karin sababo uu ku sheegay in horay loogu lahaa deymo fara badan.

Waxa uuna u xusay in ay dadaal badan iyo imtixaano ay u galeen sidii deymaha badan looga cafin lahaa soomaaliya, isagoona tibaaxay in sagaal bilood kadib ay rajeynayaan inay lacago badan kasoo amaahdaan Bankiga aduunka si dhalinyarada loogu abuuro shaqo.

Hadalka Wasiirka Dastuurka Soomaaliya C/raxman Xoosh Jibriil ayaa ku soo aadayaa xilli dhalinyaro badan oo dhameysatay jaamacdo ay yihiin kuwa aan wali shaqo helin oo darbiyada iska fadhiya halka kuwa kalana ay Tahriibeen.