Warar ka soo baxaya booliskana waxa ay sheegayaan in askari ka tirsan ciidamadooda ay qafaasheen Al-shabaab inta uu socday weerarka dhaba galka ah ee lagu qaaday Ciidamada kenyaanka.

Ciidamada Al-shabaab ee weerarka soo qaaday ayaa waxaa la sheegayaa in ay wateen labiska ciidamada dalka Kenya, qaar ka tirsan rakaabka gaariga ayaa waxa ay Daily nation u sheegeen in markii ciidamada Al-shabaab ay gaariga u soo galeen ay u qeebiyeen waraaqo ay ku qoran yihiin manihin cadaw annagu hadafkeenu waa beegsiga madaxda iyo Ciidamada Dowlada kenya.

Warar lagu baahiyay warbaainta taageerta Al-shabaab ayaa lagu shegay weerarkaas in lagu gubay gadiid, laguna qafaashay laba katirsan masiixiyiinta kenyanka, waxeyna Al-shabaab intaasi ku dareen gaarigii iyo labadii qufood ee masiixiyiinta ahaa in mar danbe ay halkaasi ay ku dileen.

Maahan markii ugu horeysay ee ciidamo ka tirsan Al-shabaab ay weerar ku qaadaan gudaha dalka Kenya 30-kii bishii August ee isla sanadan Al-shabaab ayaa weerar ay ku qaadeen Gaari marayay galbeedka deegaanka Lamu waxa ay ku dileen rakaab saarnaa iyo darawalkii gaariga u ka xeenayay.

Sido kale horaantii 18’kii Augustana Afar ruux ayay madaxa ka jareen kuwaas oo ku sugnaa xaafada Maleli ee isla gudaha dalka Kenya.