Axmed Macalin Fiqi, ayaa wuxuu sheegay qofkii doonaya inuu qaado weerar sharcidaro ah oo lagu beegsado dadka ku nool Magaalada Muqdisho inuusan waxba ka duwaneyn Ururka Al Shabaab, loona baahan yahay inuu iyaga u tago.

"Qori ninkii raba inuu dalkaan ku xukumo Shabaab ha u tago waa Shabaab, ninkii raba qori sharcidaro ah inuu dadka ku dilo. Ninkii raba inuu dadka weeraro Shabaab waxba kama sokeeyo, ee dhaqanka Shabaabka duurka hala tago duurka ayaa looga baahan yahay.” Ayuu yiri Xildhibaan Fiqi.

Axmed Macalin Fiqi, ayaa intaasi hadalkiisa wuxuu ku daray in kala aragti duwanaansha ay tahay hanaanka dowladnimada ay ku dhisan tahay, balse madaxda Villa Somaliya ayuu sheegay haddii aysan u dulqaadan karin arintaasi muhiim inay tahay inay baneeyaan meesha.

Isaga oo hadalka siiwata Xildhibaan Axmed Macalin Fiqi, ayaa wuxuu sheegay ugu dambeyn Somaliya hadda inay cagta saartay wadadii horumarka dalkana, aanan loo baahneyn in gadaal loo celiyo, isaga oo fariintaasi u diray madaxda dowladda.

Hadalkaan ayuu Axmed Macalin Fiqi ka sheegay Xilli shalay Warbaahinta uu kula hadlaayay Magaalada Muqdisho.