Rikoorka Arsenal Ee Champions League Miyuu Soo Gabagaboobi Doonaa Caawa?
Markii ugu danbeysay ee ay ku haraan wareega group-yada Champions League waxa ay aheyd bishii November 1999. Gunners ayaa seddex dhibcood oo nadiif ah ka sareysay kooxda kaalinta seddexaad markii wareega group-yada uu kala bar marayay laakiin guuldarooyin isku xiga oo ku soo gaaray gurigoodii ku meel gaarka ah ee kulamada Yurub ee Wembely ixsaan uma sameynin.
Rivaldo iyo Luis Figo ayaa ka mid ahaa xiddigihii Barcelona goolasha u dhaliyay kulankii ay 4-2 ku badiyeen taasoo cadaadiska ku kordhisay kooxda Arsene Wenger ka hor kulankoodii Fiorentina. Gabriel Batistuta ayaa dhaliyay goolka kaliya ee soo saaray kooxda Talyaaniga. Guushii ay ka gaareen kooxda reer Sweden ee AIK ma aysan badbaadin karin Arsenal.
Rikoorka Arsenal
Xilli Ciyaareedka Champions League | Wareega Ay Ku Hareen |
---|---|
2014/15 | wareega16 |
2013/14 | wareega 16 |
2012/13 | wareega 16 |
2011/12 | wareega 16 |
2010/11 | wareega 16 |
2009/10 | wareega 8da |
2008/09 | Semi-final |
2007/08 | wareega 8da |
2006/07 | wareega 16 |
2005/06 | Final |
2004/05 | wareega 16 |
2003/04 | wareega 8da |
2002/03 | wareega labaad ee group-yada |
2001/02 | wareega labaad ee group-yada |
2000/01 | wareega 8da |
Rikoor sidaasi loo joogteeyay waxa ay aheyd inay soo bandhigto calaamad awood weyni ah. Real Madrid ayaa ah kooxda kaliya ee rikoor kan ka fiican heysata waxaana ay taasi ku hogaamisay inay 2014 hantaan koobka Champions League.
Rikoorka Arsenal Ee Champions League Miyuu Soo Gabagaboobi Doonaa Caawa?
Markii ugu horeysay mudd 16 sannadood ah Arsenal ayaa seegi karta wareega 16ka Champions League. Waxaana dib u eegeynaa markii ugu danbeysay ee ay ku haraan wareega group-yada Champions League.